الاكثر من رائع عمتو لولا
المقادير
كيلو دقيق
600 جرام سمنه بلدي بتغلي
ملعقة كبيرة خميره
ملعقة كبيرة سكر
ميه دافيه للعجن
الطريقه
جهزي الخميره دوبيها في ميه دافيه ومعاها السكر
انخلي الدقيق وضيفي الملح
اعملي حفره في الوسط وانزلي بالسمنه بتغلي قلبيها بملعقه خشب
اما تبرد تمام ضيفي الخميره وقليلي من الميه
وما تعجنيش كتير بعد اضافة الميه لانه هينشف يادوب تعملي العجينه سهلة التشكيل واعجنى بهدوء
سيبي العجينه ترتاح وشكلي الكحك
عمتو لولا هي loula shouman
النوع ده صعب جدا في التشكيل ابرمي العجينه وانقشيها من غير ما تبططيها
وهى هتفرد في الفرن وواضح من ا لصوره النقشه فكت وعملت خروم فقط لانه دايب جدا
رصي الكحك على صوانى الفرن واتركيه يرتفع ويخف وزنه وبراحته خاااااالص
دخليه فرن هادي الحراره واصبري عليه علشان ما يسيحش
واما يصفر من تحت خرجيه واتركيه يبرد خااااالص وارفعيه من الصاج
لانه بيتكسر لوحده
كمية المكسر بتكون اكتر من السليم
وما تحطيش اكتر من 2 فوق بعض
طعم وريحه وجمال لا يوصف
وبالف صحه وعافيه
ملحوظة: يمكن لأعضاء المدونة فقط إرسال تعليق.