12 نصيحة لتكونى أجمل من غير مكياج

12نصيحه لتكونى أجمل واجمل من غير مكياج

مين عايزه تعرفهم ؟؟



مين فينا مش بيستعمل مكياج ؟
اكيد كلنا بنستعمله ولكن برده كلنا بنتمنى ان بشرتنا تكون جميله وكلنا بنحلم ان جمالنا يكون طبيعى ومنحتاجش للمكياج والروتين بتاعه كتير
انا انهارده بقولكم ان الجمال الطبيعى حاجه صعبه توصليلها .
تعالو نعرف اسرار الجمال الطبيعى وازاى تكونى جميله من غير مكياج ..............
1-اشربى مياه :

اول واهم سر هو شرب كميه كافيه من المياه كل يوم فى اى فصل من الفصول حتى الشتاء لان كوب المياه اللى بتشربيه هيكون مفيد لضاره بشرتك وصحتها اكتر من اى منتج هتشتريه

2- الترطيب 

احرصو ان يكون عندكم كريم مرطب فى اساسيات اليوم تستعملوه على الرقبه والوش واليدين والرجلين لان المناطق دى اول مناطق بيبان عليها السن وتقدم العمر والمرطب بيحافظ على بشرتك من التجاعيد والترهلات والجفاف اللى بياثر على جمالك .

3-استخدمى غسول الوجه : 

استخدمى غسول للوجه يوميا عشان تشيلى بقايا المكياج واى اثار للتلوث من الجو من على وشك واحسن حاجه تستعمليه مره الصبح ومره بليل قبل النوم لان ده هيساعد على تنظيف المسام من التراب اللى عالق فيها وبالتالى وشك هيبان اجمل الصبح وطول النهار .

4-استخدمى التونر :

التونر ده سائل خفيف تستعمليه بعد غسول البشره ولازم تعتبريه جزء اساسى من روتين تنظيف بشرتك اليومى لان اغلبنا بينساه بعد الغسول والمرطب ودى حاجه مش صحيه لان بعد غسيل الوش المسام ساعات بتكون مفتوحه والتونر بيساعد على قفلها وشد البشره والتخلص من اى زيوت او دهون على الجلد وبالتالى بيمنع تكون الحبوب .

5-غسيل الشعر :

استعملى الشامبو المناسب لشعرك مرتين او 3 بالكتير عشان تحافظى على بريقه ولمعانه لان شعرك لما مش بيتغسل لمده طويله بيفرز دهون وممكن تأثر على شكلك الجميل وكمان بتنقل الدهون دى لوشك وبتسبب فى ظهور الحبوب وشعر الانثى هوه تاج جمالها ولازم نحافظ عليه

6- استخدمى كريم واقى من اشعه الشمس:

مهما كنتى مستعجله الصبح لازم تركزى فى اهميه الكريم الواقى من الشمس لان اشعه الشمس وخصوصا فى الصيف ليها تأثير مضر جدا وسئ على جلدك وبشرتك وممكن متلاحظيهوش غير بعد فتره .
لو عايزه تحافظى على مظهرك طبيعى وجذاب وجلد صحى لازم تستعمليه الصبح .

7-المياه السخنه والليمون :

حاولى تتعودى انك تبدلى الشاى او القهوه الصبح بكوب ليمون ومياه دافيه لان شربهم الصبح فى اول اليوم بيساعدك على التخلص من السموم فى الجسم وبيقلل من حساسيه الجلد وبيخلى جسمك مرطب ولامع طول اليوم .

8-تقشير الجلد :

استخدمى ماسكات طبيعيه للتقشير من الوصفات الموجوده على جروبنا او استخدمى اى منتج بتفضليه من الصيدليه مناسب لتقشير جلدك لان التقشير الاسبوعى بيخلصك من الجلد الميت وبيمنع جفاف الجلد وبيخلى وشك دايما ناعم ومنور وجميل .

9-حواجبك :

عشان تحافظى على جمالك لازم تخلى بالك من شكل حواجبك لان هما ممكن يغيروا شكل وشك تماما راقبى شكلهم فى المرايه وشوفى اذا كانوا مناسبين لوشك ولا لا وهيكون من الاحسن لو تخنتى حواجبك لان الحواجب الرفيعه بتقلل من جمالك وممكن تكثفهم عن طريق استخدام زيت lntense repair كل يوم بليل وهتلاحظى الفرق فى خلال اسبوعين لشهر زى مابتشوفو التجارب على جروبنا .

10- الشفايف:

دى اكتر حاجه واضحه فى وشك وبتظهر جمالك ولازم تركزى عليها جدا لو سبتى شفايفك جافه ومشققه اكيد هيكون شكلها مش حلو لازم تستخدمى مرطب ليها كل يوك وتجنبى انك تتعرضى للشمس كثير واعمليلها مساج بليل مرتين فى الاسبوع 5 دقايق بفرشاه الاسنان عشان تساعدى على تقشير الجلد الميت فيها وتمنعى التشققات .

11-قصه الشعر :

من اكثر الحاجات المهمه واللى بتغير شكلك هو قصه شعرك لو عرفتى تعمليله قصه حلوه وشيك وجذابه مش هتحتاجى مكياج يظهر جمالك كل 3شهور او شهرين لازم تقصى الطروف عشان تحافظى على عدم تقصفه . لو مش عارفه ايه القصه المناسبه ممكن تجربى كذا حاجه او تستعينى بخبيره صالون مميز .

12-فيتامين سى :

فيتامين سى من اهم الفيتامينات اللى بتحافظ على نضاره جلدك واظبى على استخدامه فى اكلك يوميا والصبح ممكن تشربى عصير ليمون او برتقال طبيعى او تاكلى برتقاله مع الفطار وده كمان هيساعدك على النشاط والحيويه فى باقى اليوم . العصائر الحمضيه زى الليمون فيها مواد بتصرف السموم من الجسم والسموم دى ممكن تاثر على جفافالجلد وعدم نضارته كمان تلاقى الفيتامين ده فى فواكه وخضروات كتير زى الجوافه والفراوله .