الموضوع ده للدلع وبس
الدلع💋
انا لقيت بنات كتير نفسها تدلع علشان قلبه يولع 😂 طيب لازم تعرفى ان فى دلع تمثيل ودة بيبقى مؤرف اما الدلع الحقيقى فينبع من الداخل 😉 علشان توصلى لمرحلة الدلع لازم تحبى نفسك الاول وتدلعى نفسك ساعتها هتبقى دلوعة ،تحبى نفسك يعنى توقفى حياتك كدة وتعيدى اولوياتك وتحطى نفسك فى الاول تهتمى بنفسك بجمالك ببشرتك برقتك بلبسك فى البيت بجسمك وهتلاحظى تغيير فى شخصيتك والدليل ان مفيش واحدة دلوعة بتهمل نفسها طيب علشان مندورش كتير هعملك جدول اهتمام تكتبيه وتمشى عليه ....... ..
.....
تم التعديل 👇👇👇👇👇👇
الجدول : # جسمك مفيهوش شعرة ولا كف ايدك او رجلك يتشال اول باول
# الاستحمام اليومى ويفضل بعد الطبخ ويفضل برضه انك تطبخى الصبح علشان تخلصى وقبل ما تطلعى من الحمام ترطبى جسمك كله حتى المنطقة الحساسة وكعب رجلك بفازلين لوشن او اى حاجة بتحبيها والحمام والترطيب يومياااااا علشان تبقى جميلة وناعمة 😍 وشفايفك دائما بتلمع بالجلوس او فازلين العادى دااااايما بتلمع
# عطرك اللى بيحبه على اماكن النبض الرسغين وبين الصدر (فى البيت بسسس لأن لو رجل غريب شمها تكتب زانية كما قال الرسول ) وطبعا الاندر متعطر
# لبسك ممنووووووع الجلاليب اتشخلعى فى بيتك يا قلبى برة عبايات وجوة هيفاء 😜
# تقشير الجسم (سكرب) اسبوعيا يا تجيبى جاهز يا بالملح والليمون وافركى جسمك ورطبيه
# شعرك اهتمى بيه كريمات زيوت ومتسرحوش وهو مبلول وجيبى مشت خشب ومتلفهوش وهو مبلول علشان ريحته متكمكمش زى الغسيل ولو بايظ خالص الممثلين مش كلهم شعرهم سايح 😂 اكويه او استشوريه
# الحركات الانثوية ،انوثتك تظهر من جلستك متفتحيش رجلك لأ ضميهم على بعض متسبيش مسافة مش لازم يكون حد جمبك علشان تعملى كدة خلى طبيعتك كدة وظهرك مفرود مش مثنى خليه زاوية قائمة ومتطلعيش بطنك برة انتى كدة بتبرزى الكرش
# لو رموشك خفيفة حطى زيت خروع عليها كل يوم بفرشاة مسكرة قديمة وقللى من المسكرة قلتها احسن ، كدة جدولك خلص ده دورك بقى التنفيذ استعيدى نفسك علشان تقدرى تستعيدى زوجك والتنفيذ من اليوم لأن التأخير مش فى صالحك ولأنى فى البوستات الى جاية ان شاء الله هتكلم عن استعادة الزوج وفهمه وحركات كدة فلو مش هتنفذى من النهاردة مش هتستفادى
ملحوظة: يمكن لأعضاء المدونة فقط إرسال تعليق.